«ТАЗА ҚАЗАҚСТАН» акциясы аясында сенбілік өткізілді 
Бүгін, 2025 жылдың 28 қазаны күні, Түркістан облысы білім басқармасының “№11 санаториялық мектеп-интернаты” коммуналдық мемлекеттік мекемесінде «Таза Қазақстан» акциясы аясында сенбілік ұйымдастырылды.
Іс-шараға мектептің барлық ұстаздары мен тәрбиешілері, медицина қызметкерлері мен кіші қызметкерлері белсене қатысып, мектеп ауласында тазалық жұмыстарын жүргізді.
Сенбіліктің негізгі мақсаты – мектеп ауласындағы тазалықты сақтау, экологиялық мәдениетті қалыптастыру және қоршаған ортаны таза ұстауға тәрбиелеу болып табылады.Осындай шаралар арқылы ұжым мүшелері табиғатты қорғаудың маңызын ұғынып, экологиялық сана мен жауапкершілікті арттыруға өз үлестерін қосты. 